بص ع الماضى، وقول احكم يا قاضى ع الماضى اللى راح والقاضى موش فاضى، من كتر القواضى والوقت بيقول راح هوّا صحيح الوقت راح، والثوره ما جبتش نجاح والبلد زاد انبطاح طب إيه يعنى مرسى جه وللا راح وخبط الناس فى بعضها من شرقها لغربها وخللاها سداح مداح إيه يعنى الدم اللى سال فى التحرير ورابعه والعسّال والفاعل مجهول، لأ، الفاعل معروف وداير فى الأرض البراح كمان الشاهد متلوف، سوى بالمال أو ساكت م الخوف والشر فى الدنيا سواح وطوّل يا ليل المحاكمات وزيدنا من الشعر أبيأت وجمّع متهمين بالمئات بلا أدلّه أو إثبات وف الآخر ادى براءات مادام الحكايه سد خانات ولا حدش بالسر باح والدم اللى راح، راح عندك فلوس متهربه وأسرارك متسرِبه والناس مستغربه ليه حق مصر مستباح عالمنا غابه م الوحوش ومصالح وحلّق حوش وبدون قوه يا ما حق راح ولو يصرخ م المسا لحد الصباح ومين يلم الشمل المبعزق مين يضمد لمصر الجراح مين هوّا، ومين غيرك يا سيسي يا عبد الفتاح
