ياتارك المينا
على فين مودينا
نويت تفلسنا
واللا هاتغنينا
دا السوقمضيعنا
والـموج مـعـادينا
عـاوز يغـرقـنا
وسنداه أعادينا
ياتارك المينا. . ياتارك المينا
ســبنالــك الدفــه
ومشينا ف الزفه
وكــل دا ماكــفا
وماهوش لعيب فينا
ياتارك المينا. . ياتارك المينا
ضيقت أحوالنا
ومعاها أموالنا
وكــل مــوالنــا
دولار بيــدمينا
ياتارك المينا. . ياتارك المينا
بحر الفلوسدوار
موجه عالى غدار
كله حيره وأسرار
تعــبــت أهاليــنا
ياتارك المينا. . ياتارك المينا
زادت بينّا المسافات
وضاع الحلم ومات
وقـد مافـيه آهـات
غـرقــت أمـانـيـنـا
ياتارك المينا. . ياتارك المينا
فاكرين وموش ناسيين
فاكرين سنــين حلويــن
وعلى أمل عايــشــين
ترجع فى يوم لينا
وبدال ما تبلعها
يا ريت ترجعها
واليوم ماهوش لينا
ياتارك المينا. . ياتارك المينا
ما بـلاش تـيأسـنا
وفى الحيط تلبسنا
ما كـفايـه فـلسـنا
حـاول تـنـجــيـنـا
ياتارك المينا. . ياتارك المينا
