شعر

حدوته عن مصر

شعر للمهندس/ مجدى عزيز

حدوته عن مصر

أم الغلابه الغلاّبه
أم العطايا الوهابه
ذات الطبيعه الخلابه
مرت عليها سنين طغيان
فزادت صلابه على صلابه

هجمت عليها كذا عصابه
لا نالت من هيبتها
ولا فقدت عافيتها
وف زمن الشله الكدابه
وقعت فى إيدك يا عصابه
عصابة الأعوان الخرّابه

طفشوا الحمام ودمروا السلام
وقالوا هكذا أمرنا الإمام
حرقوا الديار مع هدمتها
وزرعوا الفتنه مع جارتها

وبدل شجره تضلل على غيطها
حطوا أعوان تضلل جماعتها
تعاهد وتحلف
وتوعد وتخلف
ومعاهم خراب على عتبتها

فرحانه العصابه ف نشوتها
وناب العيال غبا سياستها
وقلبوا البيت ع اللى جابوه
وهوا الدم عادتهم وللا ها يشتروه

وام الغلابه الحبابه
بتصرخ وموش لاقيه إجابه
راحت ع الترعه تغسل شعرها
بتغسل من الزمن مرّها
وتشكي له م الديابه
اللى صمموا على قهرها
مسحوا الربيع من حلمها
حرقوا الغيط بقمحها
ولعوا ف مصدر رزقها
وحرقوا عليه قلبها
ولحنوا خيبتهم بربابه

إتبهدلت بعد عزها

وماشافتش راحه ف عمرها
إغتالوا ساعة العصارى حلمها
راحت البرارى تحفر قبرها 

مصري لحقها وقاللها

راح يفدى برقبته عرضها

فى طول الأرض وعرضها

وناصر اتبعث تانى ف أرضها

إبنها، من صُلبها

منى أملها وفخرها

وادى آخرة صبرها

 

اظهر المزيد

مقالات ذات صلة

شاهد أيضاً
إغلاق
زر الذهاب إلى الأعلى
error: Content is protected !!
إغلاق