شعر

شــمــس الـنـهـــار

شعر للمهندس/ مجدى عزيز

إحنا موش بتوع ضلمه وليل

إحنا بتوع النهار

ومهما طال ليلك يا مصر

ها تطلع شمس النهار

تنور نيلك والهرم والآثار

وينمو الزرع والورد والأشجار

وتطفش الطفيليات والأشرار

ويهرب المطبلاتى والزمار

وهجاس الفضائيه والهنكار

وعشان احنا بتوع النهار

لازم تطلع شمس النهار

وتكشف كل الأسرار

الخاين والمتآمر والغدار

موش عاوزين حاجه

لا م الجار ولا الخواجه

ماهو الجار بيلعب بالنار

وبيئوى إرهابيين وأشرار

عاوز يوقع الجدار

مستقوى بالأموال

وبيعبيها فى شوال

يبعزق يمين وشمال

ويزعزع فى الاستقرار

وبدل البترول والآبار

واقعته جت فى بير مالوش قرار

ومصر موش مباحه

مصر بلد ثوار

أبو نخلتين وخيمه

خيبته ما زيها خيبه

صبرنا عليه نفد

وماعادش ينفع إنتظار

ولابد من قرصه فى ودانه

وشلل فى أبدانه

لايبطل لعب مع الكبار

يوم ماتطلع شمس النهار

وبسلامته الخواجه

دماغه مقفوله ومحتاجه

تعميرة آخر النهار

تظبّط له دماغه

مادام حاططنا فى دماغه

وتبقى لطمه على صداغه

تفوّقه لو محتار

ويبطّل كيل بكيلين

واللعب على الجنبين

وينحنى لشمس النهار

اظهر المزيد

مقالات ذات صلة

شاهد أيضاً
إغلاق
زر الذهاب إلى الأعلى
error: Content is protected !!
إغلاق