شعر

مــــوش عــــادى

شعر للمهندس/ مجدى عزيز

موش عادى حنانكموش عادى

على أهـلى وبيـتى وأولادى

وعيونك صاحيه بتحرسنى

وبتكـفـيـنى شـر الدنـيـادى

موش عادى حنانكموش عادى

 

كــلـك حــنـيـه وبـتـنـــادى

على كــل مخاصم ومعادى

وبـتفـتـح قـلـبك وتـضـمه

وتسامحه كـمان المرا دى

موش عادى حنانك موش عادى

 

ومعـايا ملاكى وهـو عــونى

وف كــل خُطـايا بـيـتـبعــنى

ولو اخـطى صـوته يرجعـنى             

ويقول أنا عنك موش راضى

 موش عادى حنانك موش عادى

 

ياما خدنى غرورى بتحدى  

ياما قلت العالم موش قدى

ورجعت ودمعى على خدى

ولقيتك عندى هـنا قصادى

  موش عادى حنانك موش عادى

 

يـامـا كـتـروا عـليّا أعـدائـى

ياما شك اصحابى فى ولائى

وكـنـت لـوحـدك معـىبـاقى

حـبـك يمـلانىأنا الـفـاضـى

موش عادى حنانك موش عادى

 

إمـلانـى بـحـبـك وحــنـانـك

ولا تحرمنيش من أحضانك

يامفرّح عمـرى بإحـسانك

حِلّـنى من أسـرى وأوتادى

موش عادى حنانك موش عادى

اظهر المزيد

مقالات ذات صلة

شاهد أيضاً
إغلاق
زر الذهاب إلى الأعلى
error: Content is protected !!
إغلاق