مقالات رأى مختلفة

الواعظ الخيبان

بقلم/ مايكل سامى

واعظ بيلف البيوت ويسمع مشاكل الناس دخل بيت سمع ان فيه طفلة مريضة قال لوالدتها طول فترة المرض اوعى تبطلي تشكري ربنا على كل شئ الشكر في عز التجربة اكليل عظيم.

دخل بيت تاني ولقى ارملة بتشتكي من قلة الفلوس وكثرة الاحتياج قالها طول فترة الحاجه اوعى تبطلي تشكري ربنا على كل شئ. 

الشكر في عز التجربة اكليل عظيم، دخل بيت تالت ولقى زوج وزوجه معندهمش اطفال وفات علي جوازهم اكتر من 10 سنين ، فقالهم اوعوا تبطلوا تشكروا ربنا على كل شئ

الشكر في عز التجربة اكليل عظيم، تفوت الأيام وصاحبنا ينام ويحلم ان كل الناس اللي قابلهم في رحلته ماتوا وطلعوا السما وشافهم في مكانة كبيرة وعظيمة عند ربنا لكن الغريب انه مكنش في مكان كويس زيهم .. وكان حزين ومش مبسوط فسأل بإستغراب .. ازاي جبتلك كل الناس دي بالشكر ومكانهم احسن مني !!

قاله انت شاطر في وعظ الناس .. لكن فاشل في وعظ نفسك للأسف في حياتنا بنقابل ناس كتير شاطرة في الكلام ، لكن مش بتطبقه علي نفسها ميزيتهم الوحيده انهم بيوصلوا غيرهم السما ، لكنهم للأسف بيخسروا ابديتهم لأن الوعظ عندهم شطارة لسان ، مش قلب بيفيض بالشكر والرجاء.

عزيزي الواعظ .. اوعظ نفسك قبل ماتوعظ غيرك

عزيزي القارئ .. الشكر في عز التجربة مفتاح السماء

اظهر المزيد

مقالات ذات صلة

زر الذهاب إلى الأعلى
error: Content is protected !!
إغلاق