شعر

الودع قال إيه…؟

شعر للمهندس/ مجدى عزيز

وسألت في يوم الودع
من فين بييجي الوجع
قال من غياب حبيب
لا له مقر
ولا بيرسى علىبر
ومن حبه مفيش مفر
ولا جري وراه نفع

 

ومنين بييجى الوفا
من حبيب غاب واختفى
ورجع لأصله وعفا
ماهو في الناس انخدع

 

ومنين بييجي الحنين
من لوعة العاشقين
ومن طول الغياب
في واحة الحيرانين


وتمر بينا السنين
لا ع الفراق صابرين

ولا ع اللقا قادرين
لا عاد الزمان ولا رجع


ومنين بيجي الألم
من الفساد في الذمم
ومنين بييجي العشم
من ائتلاف الهمم

ومنين بييجي الندم

من انكسار العلم


وماتصدقوش ياصحابنا
ان الودع أسرار
ولا تبعدوش كتير عنا
دا العمر ليالي قصار
ومن أسباب الوجع
هو الإيمان بالودع

اظهر المزيد

مقالات ذات صلة

شاهد أيضاً
إغلاق
زر الذهاب إلى الأعلى